矇盛盛的開始

今早，做乖乖女陪媽咪食早餐，媽咪又好久沒見過青蛙仔，所以相約一起去樓下的美心快餐店吃個早餐。吃完後，我和青蛙仔還「豬油」淡定去搭巴士到機場，接近11時到達機場，青蛙仔在check in counter前將繩子綁在行李箱做記號，地勤哥哥得知我們將乘11時50分的航班去曼谷，便對我們說：「唔好急，慢慢黎．．．最緊要快！」，無奈～～另一個地勤叔叔替我們辦好check in手續後，吩咐我們11時20分便要去登機，此時我望一望錶，說：「嘩！乜原來11點喇！」地勤叔叔立即說：「係呀，你地咁炆（即是遲的意思）先黎check in！」，又再無奈～～實際上，我們不是「咁炆」才來check in，我們只是「咁炆」才去到機場。我倆立即跟地勤叔叔說：「我地下次唔敢喇！」，就立即飛奔去過關。

「香港人真係香港人」，過關都快過人，不用11時20分，我們已經到候機室啦，心想：「車～～咁趕做乜姐！」。上機後發現「華航果然唔係流」，每個座位都有私人電視，而且播的電影非常新，我看的是「穿Prada的惡麼」，而青蛙仔就看「命運自選台」，正～～省了$120元！全程機，我和青蛙仔就各自看電影。